Woh shayad hawai jahaz ke pahiyon ki runway se ragar khanay ki awaz thi jis se meri kachi neend toot gayi thi. Jahaz london ke heathrow airport par land kar chuka tha aur ab dheeray dheeray runway par chalta howa parking area ki janib bharh raha tha aur air hostess ke ilaan ke mutabiq london ka mukami waqt subah 6 bajay ka tha.
London shehar aik malgajhay se andheray main duba howa tha. Aisa lagta tha raat bhar barish hoti rahi hai, halki halki si phuwar ab bhi meri seat ki wind screen par irtaash bikhair rahi thi, Ye barishain bhi kitni ajeeb hoti hain, kabhi tou sari umer bhi musladhaar barasti rahain tub bhi insan ka andar bhigo nahin patien.... aur kabhi kisi ke mann ko har lamha jal thal kiye rakhti hain, lekin bahir walon ko is ki khabar bhi nahin ho pati.... london ki ye pehli barish bhi khuch aisi hi thi jis ne mere wajod ko tou bahir se bhigo diya lekin mere andar ki payas ab bhi mere halk main kantay chubho rahi thi.
Jahaz apne mukararah parkink stand par lagi tube se jur chuka tha aur musafir jamaiyan laitay howe aik aik kar ke tube ke zariye terminal par utar rahay thay. Jub tak main lounge main pohancha tab tak ufaq se subah ki halki si sufaidi jhanknay lagi thi, lekin kalay ghanay badlon aur musalsal bunda bandi ki wajah se lounge ke sheeshay ki deewar ke bahir ab bhi kisi udas sham ka sa zardi mael peela andhera baqi tha.
Main Hammad Amjad Pakistan ke maroof tajar khandan ka chasm-o-chirag ke jis ke aba-o-ajdad Pakistan bannay se pehle aur Pakistan bannay ke baad bhi, intihai aham hakumti ohdon par faez reh chukay thay, Tijarat jis ke ghar ki bandi hai aur mulk ke aham sarkari amaal jis ke ghar sham ki chaye par talab kiya jana apne liye baes-e-fakhar samajhtay hain. Woh hammad amjad aaj london ki is bheegti subah main tanha aur udas heathrow airport ke amad lounge main khara tha, kehnay ko tou meri london amad ka maqsad yahan ki mashoor kingstone university ke shoba muaashyaat se ala taleem ki do sala degree lena tha, lekin main khud janta tha ke ye sirf aik bahana tha, khud apni zaat se farar dhondhnay ka aik bahana. Main khud ko is shehar ki gehma gehmi main is kadar malawas kar dena chahta tha ke mujhe pal bhar bhi khud apne aap ke sath tanha guzarnay ka moqa na mil sakay. Meri zehni halat aisi thi ke main dusron ke main dusron ke nagawar wajod ko bhi jhailnay ke liye tayar tha lekin khud apna samla lamhe bhar ko bhi nahin karna chahta tha. Lekin ye insan bhi kitna majbor aur lachar hai. Bahir aaas paas lagay sub ayenay phor bhi dalay tab bhi apne andar lagay ayenay ka samna har dam lazmi hota hai.
Jub tak main custom aur degar mamool ki karwai se farigh ho kar terminal se bahir pohancha tab tak bahir ki khunak hawa ke barf ke ikka dukka sitarah nama galay shamil ho chukay thay. Khuli fiza main pehla qadam rakhtay hi sardi ki aik shadeed lehar ne mere saray wajod ko shadeed junjhuna sa diya. Bay ikhtyar mere hath mere aur coat ke collar ki taraf bharh gaye aur maine khud ko achi tarah se dhamp liya, Sardi chahay jitni bhi shadeed kyoun na ho, is ki pehli lehar aap
London shehar aik malgajhay se andheray main duba howa tha. Aisa lagta tha raat bhar barish hoti rahi hai, halki halki si phuwar ab bhi meri seat ki wind screen par irtaash bikhair rahi thi, Ye barishain bhi kitni ajeeb hoti hain, kabhi tou sari umer bhi musladhaar barasti rahain tub bhi insan ka andar bhigo nahin patien.... aur kabhi kisi ke mann ko har lamha jal thal kiye rakhti hain, lekin bahir walon ko is ki khabar bhi nahin ho pati.... london ki ye pehli barish bhi khuch aisi hi thi jis ne mere wajod ko tou bahir se bhigo diya lekin mere andar ki payas ab bhi mere halk main kantay chubho rahi thi.
Jahaz apne mukararah parkink stand par lagi tube se jur chuka tha aur musafir jamaiyan laitay howe aik aik kar ke tube ke zariye terminal par utar rahay thay. Jub tak main lounge main pohancha tab tak ufaq se subah ki halki si sufaidi jhanknay lagi thi, lekin kalay ghanay badlon aur musalsal bunda bandi ki wajah se lounge ke sheeshay ki deewar ke bahir ab bhi kisi udas sham ka sa zardi mael peela andhera baqi tha.
Main Hammad Amjad Pakistan ke maroof tajar khandan ka chasm-o-chirag ke jis ke aba-o-ajdad Pakistan bannay se pehle aur Pakistan bannay ke baad bhi, intihai aham hakumti ohdon par faez reh chukay thay, Tijarat jis ke ghar ki bandi hai aur mulk ke aham sarkari amaal jis ke ghar sham ki chaye par talab kiya jana apne liye baes-e-fakhar samajhtay hain. Woh hammad amjad aaj london ki is bheegti subah main tanha aur udas heathrow airport ke amad lounge main khara tha, kehnay ko tou meri london amad ka maqsad yahan ki mashoor kingstone university ke shoba muaashyaat se ala taleem ki do sala degree lena tha, lekin main khud janta tha ke ye sirf aik bahana tha, khud apni zaat se farar dhondhnay ka aik bahana. Main khud ko is shehar ki gehma gehmi main is kadar malawas kar dena chahta tha ke mujhe pal bhar bhi khud apne aap ke sath tanha guzarnay ka moqa na mil sakay. Meri zehni halat aisi thi ke main dusron ke main dusron ke nagawar wajod ko bhi jhailnay ke liye tayar tha lekin khud apna samla lamhe bhar ko bhi nahin karna chahta tha. Lekin ye insan bhi kitna majbor aur lachar hai. Bahir aaas paas lagay sub ayenay phor bhi dalay tab bhi apne andar lagay ayenay ka samna har dam lazmi hota hai.
Jub tak main custom aur degar mamool ki karwai se farigh ho kar terminal se bahir pohancha tab tak bahir ki khunak hawa ke barf ke ikka dukka sitarah nama galay shamil ho chukay thay. Khuli fiza main pehla qadam rakhtay hi sardi ki aik shadeed lehar ne mere saray wajod ko shadeed junjhuna sa diya. Bay ikhtyar mere hath mere aur coat ke collar ki taraf bharh gaye aur maine khud ko achi tarah se dhamp liya, Sardi chahay jitni bhi shadeed kyoun na ho, is ki pehli lehar aap
No comments:
Post a Comment